Një person ka mbetur i plagosur pas therjes me thikë si pasoj e përfshirjes së tij në një rrahje që ka ndodhur sonte në një lagje të Prishtinës.

Policia e Kosovës, rajoni i Prishtinës ka bërë të ditur se rrahja ka ndodhur në lagjen Emrshir të Prishtinës rreth orës 20:00, ku ka mbetur i lënduar një person 21 vjeçar,

Zëdhënësja e Policisë së Kosovës për rajonin e Prishtinës, Flora Ahmeti ka thënë se lidhur me këtë rast, janë arrestuar tre persona, raporton arbresh.info.

“Bazuar në informacionet e para dyshohet që viktima një mashkull 21 vjeç, ka marrë plagë nga një mjet i mprehtë dhe i njëjti është dërguar në QKUK për trajtim mjekësor. Rreth orës 20:00 kemi pranuar informatën për një rrahje në progres në lagjen Emshir në Prishtinë. Me të marrë informatën njësitet e stacionit policor jugu kanë dalë në vendin e dhe vetëm pak minuta pas raportimit të rastit në koordinim me njësitet e stacionit të Fushë Kosovës, kanë arrit që lidhur me këtë rast të arrestojnë tre perona të dyshuar”, ka thënë Ahmeti.

Aktualisht po vazhdon puna për zbardhjen e rrethanave dhe motiveve që karakterizojnë ngjarjen./arbresh.info/